Aİ Suriyaya qarşı sanksiyaları ləğv etməyi planlaşdırır

Aİ ölkələrinin xarici işlər nazirləri Suriyaya qarşı sanksiyaların ləğvi imkanlarını nəzərdən keçirirlər . Bu barədə Avropa diplomatiyasının rəhbəri Kaja Kallas bildirib. 

"Bu gün Suriyaya qarşı iqtisadi sanksiyaları ləğv etmək niyyətindəyik", - məlumatda deyilir. 

Martda Kallas Aİ-nin Suriyanın yeni hakimiyyət orqanları ilə əməkdaşlığa hazır olduğunu bildirib və keçid hökumətinin yaradılmasını təsdiqləyib.

Martın 30-da Suriyanın müvəqqəti prezidenti Əhməd əl-Şaraa Nazirlər Kabinetinin formalaşması münasibətilə respublika xalqını təbrik edib.

Avropa İttifaqının (Aİ) Xarici İşlər nazirliklərinin rəhbərləri həmçinin ölkədə davam edən hərbi əməliyyatlara baxmayaraq, Suriyaya qarşı sanksiyaların ləğvi prosesini dayandırmamaq barədə razılığa gəliblər.

Aytac