Azərbaycan-İran birgə hərbi təlimləri davam edir

Azərbaycanın işğaldan azad edilmiş ərazilərində İran İslam Respublikasının şəxsi heyətinin iştirakı ilə “Araz-2025” birgə təlimləri davam edir.Bu barədə Azərbaycan Müdafiə Nazirliyi məlumat yayıb. 

Ssenariyə uyğun olaraq, iştirakçılar təlimin mərhələləri üzrə qarşıya qoyulmuş tapşırıqları uğurla yerinə yetirirlər.

Hər iki ölkənin hərbi qulluqçuları icra olunan fəaliyyətlər zamanı yüksək peşəkarlıq nümayiş etdirirlər.

Azərbaycan-İran əlaqələrinin və əməkdaşlığının möhkəmləndirilməsi baxımından xüsusi əhəmiyyət daşıyan “Araz-2025” birgə təlimi mayın 21-də başa çatacaq.