Həkimlərin 60 yaşdan sonra könüllü sertfikasiya prosesinə cəlb olunması məsələsinə baxıla bilər

Gələcəkdə həkimlərin 60 yaşdan sonra könüllü sertfikasiya prosesinə cəlb olunması məsələsinə baxıla bilər. Bunu Milli Məclisin Sosial qanunvericilik şöbəsinin müdiri Adil Vəliyev deyib. 

“Təhsilverənlər bağlı 60 yaşdan yuxarı olan şəxslərin sertfikasiya prosesinə könüllü cəlb olunması təcrübəsi var. Nəzərə almaq lazımdır ki, təhsilverənlərə münasibətdə tibb sahəsində bu şəxslərin sayı o qədər də çox deyil. Gələcəkdə qanunvericlik subyekti ilə 60 yaşdan yuxarı həkimlərin könüllü sertfikasiya prosesinə cəlb olunması məsələsinə baxıla bilər”, - Vəliyev  “Əhalinin sağlamlığının qorunması haqqında”, “Özəl tibb fəaliyyəti haqqında” və “Dərman vasitələri haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi nə münasibət bildirərkən deyib. 

Bundan əvvəl Milli Məclisin deputatı Göydəniz Qəhrəmanov təklif edib ki, Təqaüd yaşına yaxın olan həkimlərin sertfikasiya imtahanından azad olunmasına ehtiyac var.

Gülnar Nazimqızı