Türkiyə nümayəndə heyəti Rusiya-Ukrayna danışıqlarının keçirildiyi yerə gəlib

Türkiyə nümayəndə heyəti Rusiya və Ukrayna arasında münaqişənin həlli üzrə danışıqların ikinci mərhələsinin keçirildiyi yerə gəlib. Bu barədə “Strana.ua” nəşri məlumat yayıb.

Görüşün İstanbuldakı Çırağan sarayında baş tutacağı bildirilir.

Moskva və Kiyev nümayəndələri arasında birbaşa danışıqların birinci raundu mayın 16-da İstanbulda baş tutub. Daha sonra tərəflər atəşkəs planlarını mübadilə etmək və “1000-ə 1000” düsturuna əsasən əsirlərin mübadiləsi barədə razılığa gəliblər. Mayın 25-də Rusiya və Ukrayna üç mərhələdə baş tutan əsir mübadiləsini başa çatdırıb.

Ardınca Rusiya rəhbərliyi Kiyevə danışıqların ikinci raundunu iyunun 2-də keçirməyi təklif edib. Görüşün həmçinin İstanbulda baş tutması, başlanmanın isə Moskva vaxtı ilə saat 13:00-a planlaşdırılıb. Artıq hər iki ölkənin nümayəndə heyətləri Türkiyə şəhərinə gəlib.

Aytac