Ailənin 4 üzvü yanaraq ölüb - Yenilənib

Sabirabadın Muğan Gəncəli kəndində fərdi yaşayış evində yanğın olub. Bu barədə Fövqəladə Hallar Nazirliyi məlumat yayıb. 

Yanğın ikimərtəbəli fərdi yaşayış evində baş verib. Hadisə yerinə cəlb olunan nazirliyin yanğından mühafizə qüvvələri evdə dörd nəfərin meyitini aşkar ediblər.

Bildirilib ki, yanğın söndürülüb, ətrafda olan tikililər yanğından mühafizə olunub.

***

Sabirabaddakı yanğında ölənlərin kimliyi məlum olub.

APA-nın məlumatına, Muğan Gəncəli kənd sakini, 1956-cı il təvəllüdlü İmanova Bahar Niyaz qızına məxsus, ümumi sahəsi 240 kv. metr olan fərdi yaşayış evi yanıb.

Hadisə zamanı ev sahibinin oğlu, 1989-cu il təvəllüdlü İmanov Tural Ağasəf oğlu, gəlini, 2002-ci il təvəllüdlü İmanova Safalı Qorxmaz qızı, nəvələri, 2020-ci il təvəllüdlü İmansoy Osmanbəy Tural oğlu və 2024-cü il təvəllüdlü İmansoy Esma Tural qızı ölüb.