İtkin düşmüş şəxslərlə bağlı komitələrin iclası keçirilib

Ermənistan və Azərbaycanın itkin düşmüş şəxslərin problemləri ilə məşğul olan komissiyaların nümayəndələrinin iclası keçirilib. Bu barədə Ermənistan mətbuatı məlumat yayıb. 

Müzakirə zamanı tərəflər münaqişə zamanı itkin düşmüş şəxslərin taleyinin aydınlaşdırılması ilə bağlı humanitar məsələlərə toxunublar.

İclasda məlumat mübadiləsi, eləcə də əməliyyat-axtarış tədbirlərinin təşkili və əlaqələndirilməsi imkanları müzakirə edilib.

Tərəflər humanitar sahədə dialoqun davam etdirilməsinin vacibliyini vurğulayıblar və itkin düşənlərin ailələrinin rifahı naminə əlaqələri davam etdirməyə hazır olduqlarını bir daha təsdiq ediblər.