İranlı turistləri kim əvəz edə bilər?

Dünyada baş verən münqaişələr turizm sektoruna təsirsiz ötüşmür. Bunu anews.az-a açıqlamasında Turizm Bürosunun sədr müavini Cavanşir Bayramov deyib.

"Dünyada zaman-zaman müharibələr baş verir. Turizm srktorunda hər cür vəziyyətə uyğun strategiya olmalıdır və biz bu istiqamətdə işlər aparırıq. Bir qapı bağlananda digər qapını açmaq lazımdır. Bu yaxınlarda Çinlə vizanın ləğv olunması turist bazarına yaxşı imkanlar yaradacaq. Ümid edirik İranda baş verən hadisələr tezliklə həllini tapacaq. İranlı turistlər əvəz olunmayacaq. Ümumilikdə isə bütün turistlər özlüyündə dəyərlidir",- Bayramov bildirib.

Onun sözlərinə görə,  təkcə ötən il 2023-cü illə müqayisədə Çindən gələn turistlərin sayında 3 dəfə artım olub.

Müharibədən öncə İsraildən gələn turistlərin sayı da 2,5 dəfə artıb.

Son statistikaya görə, Azərbaycana gələn turistlərin 9%-ni iranlı turistlər təşkil edib.

Gülnar Nazimqızı