İsmayıllıda sex və mağazada yanğın olub

İsmayıllıda yanğın hadisəsi baş verib.

APA xəbər verir ki, hadisə cücə sexində qeydə alınıb. Sexin dam örtüyü, tikiliyə bitişik olan tikinti materialları mağazasının bir hissəsi yanıb.

Əraziyə FHN-nin yanğından mühafizə hissəsinin əməkdaşları cəlb olunub və yanğın nəzarətə alınaraq söndürülüb.

Yanğının səbəbləri araşdırılır.