İranla sərhəddə radiasiya fonu normaldır – Nazirliklərdən birgə açıqlama

Azərbaycanın cənub sərhəd rayonlarında aparılan ölçmələr nəticəsində radiasiya fonunda artım qeydə alınmayıb. Bu barədə Fövqəladə Hallar, Ekologiya və Təbii Sərvətlər, Rəqəmsal İnkişaf və Nəqliyyat nazirliklərinin birgə yaydığı məlumatda bildirilir.

Məlumata əsasən, Naxçıvan da daxil olmaqla, ümumilikdə 30 sərhəd məntəqəsində xüsusi cihazlarla havada, torpaqda və su nümunələrində aparılan müayinələrdə süni radionuklidlər və uran izotoplarının təhlükəli səviyyəsi aşkar edilməyib.

Radiasiya şəraitinə fasiləsiz nəzarət məqsədilə Astara, Beyləqan, Zəngilan və Sədərək də daxil olmaqla sərhəd rayonlarında avtomatlaşdırılmış monitorinq stansiyaları gündəlik ölçmələr həyata keçirir.

Hava, torpaq, çay suları və yağış nümunələrində aparılan analizlərə əsasən, bütün radioloji parametrlər normal səviyyədədir və hər hansı radioaktiv çirklənmə aşkarlanmayıb.

Gülnar