Ötən gün vətəndaşların bank kartlarından 4 min manatdan çox vəsait oğurlanıb

Vətəndaşların bank kartlarından iyunun 24-də 3058, 400, 393, 268, 250, 25 manat pul vəsaitləri kiberüsulla oğurlanıb.

Bu barədə Daxili İşlər Nazirliyindən bildirilib.

Qeyd olunub ki, bu cür cinayət halları adətən naməlum nömrələrdən gələn zəng və SMS-lər, habelə saxta saytlar və platformalar vasitəsilə həyata keçirilir.

"Şəxsi bank kartı məlumatlarını, xüsusilə, kartın nömrəsini, PIN kodunu, CVV kodunu və birdəfəlik təsdiq (OTP) şifrələrini heç bir halda digər şəxslərlə, o cümlədən özünü bank və ya dövlət qurumu əməkdaşı kimi təqdim edən şəxslərlə paylaşmaq olmaz.

Daxili İşlər Nazirliyi vətəndaşları bir daha diqqətli olmağa, şübhəli hallarla rastlaşdıqda dərhal polis orqanlarına və banklara müraciət etməyə çağırır", - məlumatda vurğulanıb.