Azərbaycan XİN-də yeni idarə yaradılıb

Azərbaycan Xarici İşlər Nazirliyində (XİN) yeni bir şöbə – İqlim diplomatiyası idarəsi yaradılıb. Bu barədə report nazirliyə istinadan yazıb. 

Yeni idarəyə xarici işlər nazirinin müavini Yalçın Rəfiyev rəhbərlik edəcək.

Bununla da Rəfiyevin kurasiyasında olan idarələrin sayı beşə çatıb.

O, həmçinin Beynəlxalq təhlükəsizlik, İqtisadi əməkdaşlıq, Yaxın Şərq və Afrika, eləcə də Azərbaycan Respublikasının beynəlxalq inkişafa yardım idarələrinə nəzarət edir.

Yaradılan idarə Azərbaycan diplomatiyasının iqlim dəyişiklikləri və qlobal ekoloji məsələlərlə bağlı fəaliyyətinin gücləndirilməsi məqsədini daşıyır.