Bu ilin 5 ayında altmış dörd uşaq ailəsinə qaytarılıb - Agentik sədri

Bu ilin yanvar-may ayları ərzində Azərbaycanda 64 uşaq dövlət müəssisələrindən ailələrinə qaytarılıb. Bunu jurnalistlərə açıqlamasında Sosial Xidmətlər Agentliyinin rəhbəri Vüqar Behbudov deyib. 

Əmək və Əhalinin Sosial Müdafiəsi Nazirliyinin tabeliyində fəaliyyət göstərən Agentliyin beş illik fəaliyyətinə dair keçirilən mətbuat konfransında çıxış edən Behbudov, son beş il ərzində 677 uşağın (359 oğlan, 318 qız) müəssisələrə yerləşdirildiyini qeyd edib.

Onun sözlərinə görə, 2022-ci ilin 1 noyabr tarixindən bu günədək 658 uşağın müəssisəyə düşməsinin qarşısı alınıb, bu il isə həmin göstərici 100 nəfər olub.

Ümumilikdə, son beş il ərzində 728 uşağın müəssisələrdən ailələrinə qaytarılması təmin edilib.

Aytac Zeynalova