Qətlə yetirilmiş azərbaycanlıların cəsədlərində işgəncə izləri aşkarlanıb – Jurnalist

 Rusiyanın Yekaterinburq şəhərində Federal Təhlükəsizlik Xidmətinin (FSB) keçirdiyi əməliyyat zamanı öldürülən şəxslərin üzərində  çoxsaylı işgəncə izlərinin aşkarlanıb. Bu barədə öldürülən şəxslərin qardaşı, jurnalist Seyfəddin Hüseynli jurnalistlərə açıqlamasında deyib. 

"Qardaşlarımın cəsədləri üzərində aparılan tibbi ekspertiza zamanı gördüklərim məni dəhşətə gətirdi," –   APA jurnalistə istinadla yazıb.

 Onun sözlərinə görə, cəsədlərdəki izlər rəsmi Rusiya tərəfinin ölüm səbəbinə dair açıqlamalarının həqiqətə uyğun olmadığını göstərir.

Azərbaycanlı hüquq müdafiəçiləri və vətəndaş cəmiyyəti təşkilatları FSB-nin əməliyyatını beynəlxalq insan hüquqları normalarına zidd hesab edir və müstəqil araşdırma tələb edirlər. Avropa İttifaqının Bakıdakı nümayəndəliyi də hadisəyə münasibət bildirərək, insan hüquqları kontekstində narahatlığını ifadə edib.

Hadisə fonunda Azərbaycan və Rusiya arasında diplomatik gərginlik artıb. Rusiya Xarici İşlər Nazirliyi Azərbaycanın Moskvadakı səfirini çağıraraq, baş verənlərlə bağlı narahatlığını ifadə edib. 

Gülnar Nazimqızı