Məhkəmə “Sputnik Azərbaycan” işi üzrə saxlanılan şəxslərin həbsi ilə bağlı qərar verib

Xətai Rayon Məhkəməsi “Sputnik Azərbaycan” İnformasiya Agentliyinin direktoru İqor Kartavıx və əməkdaşı Yevgeni Belousov barəsində dörd ay müddətinə həbs qətimkan tədbiri seçib.

Onlar Cinayət Məcəlləsinin bir neçə maddəsi, o cümlədən külli miqdarda ziyan vurmaqla dələduzluq (178.3.1), qanunsuz sahibkarlıq (192.2.2 və 192.2.3), cinayət yolu ilə əldə edil'n əmlakı leqallaşdırma (193-1.3.1 və 193-1.3.2) ittihamları ilə təqsirləndirilirlər.

Saxlanılma əməliyyatı iyunun 30-da hüquq-mühafizə orqanlarının “Sputnik Azərbaycan” ofisində keçirdiyi reyd zamanı həyata keçirilib.

XİN-in Mətbuat xidməti rəhbəri Ayxan Hacızadə bu ilin fevralında “Rossiya Seqodnya”nın Azərbaycandakı nümayəndəliyinin rəsmi şəkildə ləğv edildiyini bildirmişdi.

Buna baxmayaraq, agentliyin fəaliyyətini qeyri-rəsmi şəkildə davam etdirdiyi məlum olub.

Aytac