Diaqnostikada yalnız 2,9% tərbiyəçi müəllim əlli balı keçə bilib

2024-cü ildə Azərbaycanda məktəbəqədər təhsil müəssisələrində çalışan 11 218 tərbiyəçi-müəllim ilk dəfə diaqnostik qiymətləndirməyə cəlb olunub. Qiymətləndirmənin nəticələrinə əsasən, cəmi bir nəfər maksimum – 60 bal toplayıb. Bu barədə Elm və Təhsil Nazirliyinin 2024-2025-ci tədris ilinə dair hesabatında yer alıb.

Rəsmi statistikaya görə:

50 baldan yuxarı nəticə göstərənlərin sayı 324 nəfər olub (2.9%);

46–51 bal aralığında – 911 nəfər (8.1%);

41–46 bal aralığında – 1 380 nəfər (12.3%);

36–41 bal aralığında – 1 624 nəfər (14.5%);

30–36 bal aralığında – 2 002 nəfər (17.8%);

30 baldan aşağı nəticə göstərənlər isə 4 977 nəfər təşkil edib (44.4%).

30 baldan aşağı nəticə zəif nəticə sayılır. 

Qiymətləndirmənin məqsədi məktəbəqədər təhsil müəssisələrində çalışan pedaqoji heyətin bilik və bacarıqlarını obyektiv şəkildə ölçmək və inkişaf ehtiyaclarını müəyyən etməkdir.

Gülnar Nazimqızı