Dual peşə məktəblərinə qəbul sayı 40% artırılıb

2024–2025-ci tədris ili üzrə Azərbaycanda dual peşə təhsil proqramına 70 qrup üzrə 1 273 nəfər qəbul olunub. Bu göstərici ötən illə müqayisədə 46 faiz artım deməkdir.  Bu barədə Elm və Təhsil Nazirliyinin 2024-2025-ci tədris ilinə dair hesabatında yer alıb.

Proqram hazırda 25 peşə təhsili müəssisəsində, 110-dan artıq işəgötürənin iştirakı ilə həyata keçirilir.

Tədris Bakı da daxil olmaqla 16 regionu əhatə edir. Bu regionlara Zaqatala, Balakən, Biləsuvar, Cəlilabad, Gəncə, İmişli, İsmayıllı, Kürdəmir, Qax, Qəbələ, Lənkəran, Neftçala, Saatlı, Sumqayıt və Şəki daxildir.

Dual proqram çərçivəsində ümumilikdə 30 ixtisas üzrə tədris aparılır. Modelin məqsədi tələbələrin nəzəri biliklə yanaşı, iş mühitində praktik bacarıqlar qazanmasını təmin etməkdir.

Gülnar Nazimqızı