Media nümayəndələri arasında rəqabət mövzusunda intellektual yarış keçirilib

Antiinhisar və İstehlak Bazarına Nəzarət Dövlət Agentliyi tərəfindən Azərbaycan milli mətbuatının 150 illiyi münasibətilə jurnalistlər arasında "Mediada rəqabət" mövzusunda intellektual yarış təşkil olunub.

Maarifləndirici məqsəd daşıyan tədbirdə 40-a yaxın media nümayəndəsi iştirak edib.

Yarış iştirakçılar arasında rəqabət qanunvericiliyi, istehlakçı hüquqları, keyfiyyət infrastrukturu və istehlak bazarına nəzarət sahəsində bilikləri artırmağa yönəlib.

Üç mərhələdən ibarət yarış yazılı və vizual tapşırıqlar vasitəsilə qiymət intizamı, məhsulun qaytarılması qaydaları, haqsız rəqabət, reklam qanunvericiliyi, texniki tənzimləmə və standartlar kimi mövzuları əhatə edib.

Agentlik nümayəndələrinin iştirak etdiyi ekspert qrupu iştirakçıların bilik və fəallığını qiymətləndirib və mövzular üzrə əlavə izahatlar verib.

Təşkilatçılar tədbirin məqsədinin media ilə qarşılıqlı əməkdaşlığın gücləndirilməsi və sahəyə dair məlumatlılığın artırılması olduğunu bildiriblər.