Azərbaycan nefti bahalaşıb

Dünya bazarında "Azeri Light" markalı Azərbaycan neftinin bir barelinin qiyməti 0,79 ABŞ dolları və ya 1,06% artaraq 75,49 ABŞ dollarına çatıb. 

FOB Ceyhan bazasında “Azeri Light” neftinin bir bareli isə 0,83 ABŞ dolları və ya 1,13% bahalaşaraq 74,29 ABŞ dolları təşkil edib.

Hərracların nəticələrinə əsasən, “Brent” markalı neftin sentyabr fyuçersləri 72,05 ABŞ dolları səviyyəsində qərarlaşıb.

Azərbaycanın 2024-cü il dövlət büdcəsində bir barel neftin orta qiyməti 70 ABŞ dolları səviyyəsində götürülüb.

 “Azeri Light” markalı neftin ən aşağı qiyməti 2020-ci il aprelin 21-də — 15,81 ABŞ dolları, ən yüksək göstəricisi isə 2008-ci ilin iyulunda — 149,66 ABŞ dolları olub.

Azərbaycan nefti əsasən “Azəri-Çıraq-Günəşli” yataqlar bloku çərçivəsində hasil olunur. Layihədə Azərbaycan Dövlət Neft Şirkətinin (SOCAR) payı 31,65% təşkil edir.