Altı ayda necə cinayətin üstü açılıb? - Rəsmi

2025-ci ilin ilk 6 ayı ərzində hüquq-mühafizə orqanları üzrə ümumilikdə 17 049 cinayət faktı qeydə alınıb. Bu cinayətlərin 94,4 faizi Daxili İşlər Nazirliyi və Prokurorluq orqanları tərəfindən prosessual qaydada araşdırılıb. Bu barədə Daxili İşlər Nazirliyinin məlumatında qeyd olunub.

2024-cü ilin eyni dövrü ilə müqayisədə ağır və xüsusilə ağır cinayətlərdə 18,9%, odlu silah tətbiqi ilə törədilən cinayətlərdə 2 dəfə, əvvəllər məhkum olunmuş şəxslər tərəfindən törədilən cinayətlərdə 19,8%, qrup halında baş verənlərdə 18,8%, məişət zəminində törədilənlərdə 5,5%, qəsdən adam öldürmələrdə 39,1%, mülkiyyət əleyhinə cinayətlərdə isə 4,2% azalma qeydə alınıb. Oğurluq və dələduzluq halları da müvafiq olaraq 6,2% və 7,3% azalıb.

Rəsmi statistikaya görə, istintaq və əməliyyat tədbirləri nəticəsində cinayətlərin 92,8%-i açılıb.

Bunlara keçmiş illərdən bağlı qalmış 232 cinayət hadisəsi və 2196 yeni cinayət faktı daxildir.

4344 hüquqazidd əmələ vaxtında müdaxilə olunaraq qarşısı alınıb, axtarışda olan təqsirləndirilən şəxslərin 79,7%-i saxlanılıb. Həmçinin 3378 ədəd müxtəlif növ atıcı silah aşkar edilərək götürülüb.

Gülnar