Ali məktəblərdə subbakalavrların iştirakı ilə bağlı narazılıqlar artır- Abbaszadə

Subbakalavrların imtahansız qəbulu ali Subbakalavrların ali məktəblərə imtahansız qəbul olunması praktikasının ciddi tədris və idarəetmə problemləri yaradır. Bunu məktəblərdə narazılıq doğurur. Dövlət İmtahan Mərkəzinin (DİM) sədri Məleykə Abbaszadə bildirib.

Onun sözlərinə görə, bu qayda ilk dəfə 2013-cü ildə tətbiq olunub və son illərdə sürətlə genişlənib. 

“Keçən il 5000-dən çox subbakalavr ali məktəblərə imtahansız qəbul olunub. Bu artıq dördüncü-beşinci ildir ki, bu praktika tətbiq olunur,” – Abbaszadə qeyd edib.

DİM rəhbəri vurğulayıb ki, ali məktəblərdə subbakalavrların iştirakı ilə bağlı narazılıqlar artmaqdadır. 

“Bu tələbələr dərslərdə iştirak etmirlər, tədris prosesinə qoşulmaqda çətinlik çəkirlər və onlardan nəticə almaq çətindir,” –  o bildirib.

Abbaszadənin sözlərinə görə, bəzi ali məktəblər artıq bu praktikanı qəbul etmək istəmir. “Hazırda sistem belə qurulub ki, bakalavr pilləsi üzrə 200 bal toplayan abituriyentlərlə yanaşı, daha az nəticə göstərmiş – məsələn, 150 bal – subbakalavrlar da eyni ixtisaslara qəbul olunur və bu yerləri doldururlar,” – o əlavə edib.

DİM sədri qeyd edib ki, bu vəziyyət həm tədrisin keyfiyyətinə, həm də qəbul zamanı ədalətli rəqabət prinsipinə zərbə vurur.

N.Təbrizli