Yüksək nəticə göstərən şagirdlər arasında valideyni müəllim olanlar çoxluq təşkil edir

İllərlə yüksək nəticə göstərən məktəblərdə fərdi yanaşma, sistemli tədris və şagirdin taleyinə həssas münasibət əsas rol oynayır. Bunu DİM rəhbəri Məleykə Abbaszadə bildirib.

“Biz müşahidə etmişik ki, bu məktəblərdə ən azı bir valideyn uşaqla maraqlanır. Bu da təsadüfi deyil. Sorğular göstərir ki, ən uğurlu şagirdlərin əksəriyyəti valideyn dəstəyindən faydalanır,” – o bildirib.

Müəllim faktoru həlledicidir – amma sistem dəstəyi də vacibdir

DİM sədri qeyd edib ki, bəzi məktəblərdə riyaziyyat, ədəbiyyat və digər fənlər üzrə nəticələr illərlə sabit yüksək səviyyədə qalır. 

“Bu məktəblərdə dərs deyən müəllimlər sadəcə fənn deyil, həm də şəxsiyyət formalaşdırırlar. Onlar zamanın adamlarıdır,” – Abbaszadə bildirib.

Sonda o vurğulayıb ki, bu nəticələrə əsaslanaraq dövlətin təhsil siyasəti daha çox məktəbdəki real tədris keyfiyyətinə fokuslanmalı, müəllim hazırlığı və davamlı inkişafı əsas prioritetlərdən biri olmalıdır.

N.Təbrizli