TƏBİB-in tibb müəssisələrində müraciət və xidmətlərin sayı artıb

2025-ci ilin yanvar-iyun aylarında TƏBİB-in tabeliyindəki tibb müəssisələrinə ümumilikdə 12,39 milyon müraciət qeydə alınıb ki, bu da ötən ilin eyni dövrü ilə müqayisədə 4% artım deməkdir. Bu barədə TƏBİB-in altı aylıq hesabatında qeyd olunub. 

Müraciətlərin 260,7 mini stasionar, 12,13 milyonu isə ambulator olub.

Tibbi xidmətlərin ümumi sayı isə 13% artaraq 44,17 milyon təşkil edib. Bunların 5,81 milyonu stasionar, 38,36 milyonu isə ambulator xidmətlərdən ibarətdir.

Laborator müayinələrin sayı 18% artaraq 18,72 milyona çatıb. Bu göstəricinin 2,84 milyonu stasionar, 15,88 milyonu isə ambulator müayinələrdir.

Yanvar-iyun aylarında 181 352 cərrahi əməliyyat və prosedur icra olunub. Bu, ötən illə müqayisədə 1% azalma deməkdir. Əməliyyatların 169,1 mini stasionar, 12,2 mini isə ambulator qaydada həyata keçirilib.

Gülnar