Azərbaycanda dövlət qurumlarının adına bənzər saxta domenlərin sayı azalıb

Bu ilin ilk altı ayında Azərbaycanda dövlət qurumlarının adından istifadə edərək yaradılmış 19 saxta domen aşkarlanaraq bloklanıb. Bu barədə Xüsusi Rabitə və İnformasiya Təhlükəsizliyi Dövlət Xidmətindən məlumat verilib. 

Qurumun yaydığı statistikaya görə, saxta domenlərin sayı ötən ilin eyni dövrü ilə müqayisədə 21% azalıb.

2025-ci ilin yanvar-iyun aylarında 26 yeni domen adı dövlət qurumlarının istifadəsinə təqdim edilib. Bu göstərici ötən ilin müvafiq dövrü ilə müqayisədə 37% azalma ilə müşahidə olunub. Həmin dövrdə həmçinin dövlət qurumlarına 130 yeni subdomen verilib – bu da illik müqayisədə 17% azalma deməkdir.

 2024-cü ildə dövlət orqanlarına ümumilikdə 64 domen və 367 subdomen təqdim olunmuşdu. Həmin il ərzində 100 saxta domen aşkarlanaraq bloklanmışdı.

Gülnar