Daha 665 işsiz şəxs peşə hazırlığına cəlb edilib

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi iyul ayının ilk yarısında 665 nəfəri əmək bazarının tələblərinə uyğun peşə kurslarına cəlb edib.

Onlardan 328 nəfər Bakı, Gəncə, Göyçay, Qarabağ Peşə Hazırlığı Mərkəzlərində və Naxçıvanda, 337 nəfər isə özəl tədris müəssisələrində təlim alır.

Kurslar əsasən aşpaz, ərzaq və qeyri-ərzaq malları satıcısı, nəzarətçi-xəzinədar, bərbər-vizajist-manikürçü, qənnadçı, şirniyyatçı, ofisiant, dərzi və xalça məmulatları üzrə bərpaçı-rəssam peşələrini əhatə edir.

Tələbələrə nəzəri və praktiki biliklər verilir, kursu uğurla bitirənlərə işlə təminatda da köməklik göstərilir.