Rus bölməsi üzrə I sinfə qəbulda sərbəst seçim mərhələsi başlayır

Azərbaycanda ümumi təhsil müəssisələrinin rus bölməsi üzrə I sinfə qəbulda məktəb və müəllim seçimi üzrə sərbəst seçim mərhələsinə start verilib. Bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.

Qurumun açıqlamasına görə, 17 iyul 2025-ci il saat 11:00-dan etibarən Bakı, Sumqayıt, Gəncə şəhərləri və Abşeron rayonu üzrə rus bölmələrində prioritetlə seçim sistemi ləğv edilir.

Bundan sonra valideynlər mektebeqebul.edu.az portalı vasitəsilə məktəb və müəllim seçimini sərbəst şəkildə həyata keçirə biləcəklər.

Agentlik qeyd edir ki, yeni mərhələ valideynlərə seçim prosesində daha çox elastiklik və şəffaflıq imkanı yaradır.