Kartof ixracı 43% artıb - DGK

Azərbaycan bu ilin ilk yarısında 69 077 ton kartof ixrac edib ki, bu da ötən ilin eyni dövrü ilə müqayisədə 43% artım deməkdir. Bu barədə  Dövlət Gömrük Komitəsinin altı aylıq hesabatında qeyd olunub.

2025-ci ilin yanvar-iyun aylarında kartof ixracının pul ifadəsində dəyəri isə 27,49 milyon ABŞ dolları təşkil edib. Bu göstərici də 2024-cü ilin müvafiq dövrü ilə müqayisədə təxminən 34% artım deməkdir (ötən il 20,47 milyon dollar).

İxracın payı Azərbaycanın ümumi yeyinti məhsulları ixracı içərisində müvafiq olaraq 1.57% təşkil edib, bu da ötən ilin analoji dövründəki 1.28% göstəricidən yüksəkdir.

Əsas ixrac bazarları Rusiya, Gürcüstan və Yaxın Şərq ölkələridir.

Gülnar