Azərbaycanda 6 ayda 230 minə yaxın "ASAN İmza" sertifikatı verilib

2025-ci ilin yanvar-iyunda ölkədə 226 072 "ASAN İmza" elektron imza sertifikatı verilib. Bu, ötən ilin eyni dövrü ilə müqayisədə 25,4 % azdır. Bu barədə İqtisadiyyat Nazirliyi yanında Dövlət Vergi Xidmətindən bildirilib.

Hesabat dövründə "ASAN İmza"lar 149 939 müraciət üzrə təqdim olunub. Bu isə 1 il əvvələ nisbətən 18,3 % azdır.

"ASAN İmza" elektron imza sertifikatlarının üç növü var: fiziki şəxslər (vətəndaşlar), hüquqi şəxslər və sahibkarlıq fəaliyyəti ilə məşğul olan fiziki şəxslər və dövlət qulluqçuları üçün elektron imza sertifikatları. Fiziki şəxslər üçün elektron imza sertifikatları şəxsi istifadə üçün nəzərdə tutulub. Hüquqi şəxslər və sahibkarlıq fəaliyyəti ilə məşğul olan fiziki şəxslər, həmçinin dövlət qulluqçuları üçün nəzərdə tutulan elektron imza sertifikatları isə kommersiya və ya dövlət təşkilatını təmsil etmək və onun adından çıxış etmək səlahiyyətləri verir.

Sertifikatlar 3 il etibarlıdır.