ADA Universitetində ilk dəfə dövlət sifarişli 180 yer ayrılıb

2025/2026-cı tədris ili üçün ADA Universitetində ilk dəfə dövlət sifarişli 180 yer ayrılıb. Bu yerlər I və II ixtisas qrupları üzrə planlaşdırılıb. Bu barədə ADA universitetin dövlət sifarişli yerləri ilə bağlı təqdimat tədbirində bildirilib.

Dövlət İmtahan Mərkəzinin məlumatına görə, I ixtisas qrupu üzrə keçid balı 650-dən yuxarı olan abituriyentlər universitetə qəbul olmaq imkanı əldə edəcəklər.

Qəbul edilən tələbələrə ayda 100 manatdan 275 manatadək təqaüd təyin olunacaq.

Hər ixtisas üzrə 30 yer olmaqla, aşağıdakı istiqamətlərdə qəbul nəzərdə tutulur:

1-ci ixtisas qrupu:

• Kompüter elmləri – 652 bal (2024-cü ilin keçid balı)

• Kompüter mühəndisliyi – 618 bal

• Riyaziyyat – 660 bal

• İnformasiya texnologiyaları – 626 bal

2-ci ixtisas qrupu:

• Maliyyə – 579 bal

• İqtisadiyyat – 633 bal