Bakının bəzi ərazilərində qaz kəsiləcək

Azərbaycan Dövlət Neft Şirkətinin (SOCAR) “Azəriqaz” İstehsalat Birliyi bu gün Bakının bir sıra rayonlarında qaz təchizatının dayandırılacağını bildirib.

Şirkətin yaydığı məlumata görə, “Qum adası–Bayramzadə İEM” magistral qaz kəmərində, “Bahar” qazpaylayıcı stansiyasında və Yasamal rayonu, A.M.Şərifzadə küçəsində aparılacaq təmir-quraşdırma işləri ilə əlaqədar qaz verilişində fasilə olacaq.

Təmir işləri aparılan müddətdə qaz təchizatı aşağıdakı əraziləri əhatə edəcək:

• Xətai rayonu: Müşfiq qəsəbəsi, Zavod küçəsi
• Suraxanı rayonu: Hövsan qəsəbəsi, Bahar, Dədə Qorqud, Sahil və Zığ bağları yaşayış massivləri, MİDA-1 və MİDA-2 yaşayış kompleksləri
• Yasamal rayonu: A.M.Şərifzadə, H.Abbasov, M.Seyidov, Ə.Əhmədov, İ.Zülalov, N.Hikmət, X.Dadaşov, X.Mustafayev, V.Əliyev, Z.Kərimov, Ş.M.Xiyabani və D.Bünyadzadə küçələri

Azəriqaz qeyd edib ki, qaz verilişi təmir işləri başa çatdıqdan dərhal sonra bərpa ediləcək. İstehlakçılara müvəqqəti narahatlığa görə üzr istənilib.