Prezident Ağdamda məktəb və bağçanın açılışında iştirak edib

 Azərbaycan Prezidenti İlham Əliyev iyulun 18-də Ağdam şəhərində 960 şagird yerlik 1 nömrəli tam orta məktəb və 160 yerlik körpələr evi-uşaq bağçasının açılış mərasimlərində iştirak edib. Bu barədə Prezidentin mətbuat xidməti məlumat yayıb.

Təhsil müəssisələri “Böyük Qayıdış” Dövlət Proqramı çərçivəsində inşa olunub. Məktəb binasında 43 sinif otağı, STEAM mərkəzi, laboratoriyalar, 468 yerlik akt zalı və idman zalları mövcuddur. Körpələr evi-uşaq bağçası isə oyun və yataq otaqları, musiqi, rəqs və idman zalları ilə təchiz edilib.

Tikinti işlərinə məktəb üçün 2021-ci ilin mayında, bağça üçün isə 2023-cü ilin fevralında başlanılıb.

Hazırda işğaldan azad edilmiş ərazilərdə təhsil infrastrukturunun bərpası istiqamətində işlər davam etdirilir.

Gülnar Nazimqızı