Azərbaycanda bir həftə ərzində 780 yanğına müdaxilə edilib

 Azərbaycan Fövqəladə Hallar Nazirliyi (FHN) ötən həftə ərzində ölkə ərazisində 780 yanğın hadisəsinə, 50 halda insanların köməksiz vəziyyətdə qalmasına və 3 yol-nəqliyyat qəzasına müdaxilə edib. Bu barədə nazirlik məlumay yayıb. 

FHN-dən bildirilib ki, həyata keçirilən təxirəsalınmaz tədbirlər nəticəsində yanğınlar operativ şəkildə söndürülüb, insanların həyatı xilas olunub.

Həftə ərzində ümumilikdə 10-u azyaşlı olmaqla 51 nəfər xilas edilib. Onlardan 15-i dənizdə batma təhlükəsi ilə üzləşmiş şəxslər olub. Əlavə olaraq, 7 nəfərin meyiti aidiyyəti üzrə hüquq-mühafizə orqanlarına təhvil verilib.

Gülnar