Xıdırlı kəndinə 60 ailə yola salınıb

İyulun 29-da  60 ailə olmaqla 236 nəfər Ağdamın Xıdırlı kəndinə yola salınıb. Bu barədə Qaçqınların və Məcburi Köçkünlər üzrə dövlət Komitəsi məlumat yayıb. 

Böyük Qayıdış proqramı çərçivəsində Ağdam rayonunun beş kəndindən üçündə hazırda məcburi köçkünlərin daimi məskunlaşdırılması prosesi davam edir.

Bir müddət öncə Prezident Xıdırlı kəndinin açılışında iştirak edib. 

Ağdam 2020-ci ilin noyabrında işğaldan azad edilib. İkinci Qarabağ Müharibəsində ən çox zərər çəkmiş rayondur. Müharibəyə qədər Ağdamda 143 min insan yaşayıb.

Prezidentin sərəncamı ilə imzalanan Qarabağa qayıdış proqramı çərçivısində 2026-ci ilə kimi 20 min nəfərin Ağdama köçürülməsi nəzərdə tutulub.