“Bulvarda kino axşamı” layihəsi çərçivəsində “Əhməd haradadır?” filmi nümayiş olunub

2 Avqust – Azərbaycan Kinosu Günü münasibətilə Dənizkənarı Bulvar İdarəsi və Cəfər Cabbarlı adına “Azərbaycanfilm” kinostudiyasının birgə təşkilatçılığı, Mədəniyyət Nazirliyi və Azərbaycan Respublikasının Kino Agentliyinin dəstəyi ilə keçirilən “Bulvarda kino axşamı” adlı layihə davam edir.

Layihə çərçivəsində nümayiş olunan C. Cabbarlı adına “Azərbaycanfilm” kinostudiyasının istehsal etdiyi “Əhməd haradadır?” filmini yüzlərlə tamaşaçı izləyib.

Tədbirdə “Azərbaycanfilm”in geyim və rekvizitləri, çəkiliş və texniki avadanlıqlarından ibarət sərgi maraqla qarşılanıb.

Qeyd edək ki, layihənin məqsədi gənc nəslin vətənpərvərlik və milli ruhda maarifləndirilməsi, Azərbaycan kinosunun təbliğidir