Baş prokuror müavinləri üçün ezamiyyət qaydalarına dəyişiklik edilib

Azərbaycan Nazirlər Kabineti “Ezamiyyə xərclərinin normaları haqqında” qərara dəyişiklik edib. Dəyişikliyə əsasən, Baş prokurorun müavinləri ezamiyyət zamanı fasiləsiz uçuş müddəti 5 saatdan artıq olan aviareyslərlə səfər etdikdə nəqliyyat xərcləri “biznes klass” tarifləri ilə ödəniləcək.

Nazirlər Kabinetinin qərarında bildirilir ki, bütün digər hallarda təyyarə ilə səfərlər üçün xərclər “ekonom klass”, dəmiryol səyahətləri isə “4 yerli kupeli vaqon” tarifləri əsasında qarşılanacaq.

Dəyişiklik yüksək vəzifəli şəxslərin ezamiyyət zamanı uzun məsafəli uçuşlar zamanı daha komfortlu şəraitdə səfər etməsini nəzərdə tutur.