Qubada maşın çaya aşıb - Xəsarət alanlar var

Quba rayonunda yol qəzası baş verib.

“Qafqazinfo”nun məlumatına görə, hadisə rayonun Xınalıq yolunda olub.

Şəki rayon sakini Sərdar Abbasovun idarə etdiyi “Toyota Corolla” markalı minik avtomobili idarəetmədən çıxaraq körpüdən çaya düşüb.

Qəza zamanı sürücü və nəqliyyat vasitəsində olan sərnişinlər Səbuhi Abbasov və Vüsalə Rəcəbova müxtəlif dərəcəli bədən xəsarətləri alaraq Quba Rayon Mərkəzi Xəstəxanasına yerləşdirilib.

Faktla bağlı araşdırma aparılır.