Müəllimlərin işə qəbulu üzrə vakansiya seçimi mərhələsi başlayıb

Azərbaycanda müəllimlərin işə qəbulu (MİQ) üzrə müsabiqənin vakansiya seçimi mərhələsinə bu gün saat 11:00-da start verilib. Bu barədə İnsan Resursları Mərkəzi məlumat yayıb.

Müddətsiz əmək müqaviləsi ilə işləmək istəyən namizədlər 11 avqust saat 11:00-dək şəxsi səhifələrinə daxil olaraq vakansiya seçimini edə bilərlər.

Vakansiya seçimi hüququna ümumtəhsil fənləri üzrə test imtahanında minimum 34 bal və metodika üzrə minimum 6 bal olmaqla, ümumilikdə 40 və daha yüksək bal toplamış namizədlər malikdir.

Mərkəz xəbərdarlıq edib ki, seçdiyi vakansiyadan imtina edən namizədlər növbəti seçim mərhələlərində iştirak edə bilməyəcək.

Əlavə məlumat və tez-tez verilən suallar üçün namizədlərə miq.edu.az/faq saytına müraciət tövsiyə olunub.