Bərdədə yas mərasimlərində ehsan verilməsi dayandırılıb

Bərdə rayonunda yas mərasimlərində dəbdəbəli ehsan verilməsi ləğv olunub. Bu barədə rayonun axundu Hacı Ramazan Hüseynov “Teleqraf”a açıqlama verib.

Onun sözlərinə görə, artıq yas mərasimlərində yalnız sadə çay süfrəsi təşkil olunur: “Çay, limon və xurma təqdim edilir. Bu gün şəhid qardaşının mərasimi keçirildi və ehsan verilmədi”, – axund bildirib.

Daha əvvəl Sabirabad, Saatlı, Samux, Biləsuvar, Quba, Kürdəmir, Şamaxı, Balakən rayonları və Naxçıvanın Mahmudkənd kəndində də oxşar qərar qəbul edilib.