AZAL-a məxsus təyyarənin qəzası ilə bağlı yekun hesabat bir neçə aya hazır olacağı deyilir

Qazaxıstan hökuməti yaxın aylarda “Azerbaijan Airlines”a (AZAL) məxsus təyyarənin Aktau yaxınlığında baş vermiş qəzası ilə bağlı yekun hesabatı təqdim etməyi planlaşdırır. Bu barədə ölkənin baş nazirinin müavini Kanat Bozumbayevə istinadən yerli media məlumat yayıb.

“Təhlil mərhələsi başa çatır, yekun hesabatın hazırlanması mərhələsinə keçilir. Qəzanın araşdırılması üzrə yekun hesabat bir neçə aydan sonra hazır olacaq”, – Bozumbayev bildirib.

Hadisənin detalları və hesabatın dərc tarixi hələ açıqlanmayıb.

İyulun 19-da Azərbaycan Prezidenti İlham Əliyev III Şuşa Qlobal Media Forumunda Reuters agentliyinin sualını cavablayarkən deyib ki, Azərbaycan Hava Yollarına (AZAL) məxsus təyyarənin vurulması ilə bağlı Rusiyadan hələ də rəsmi cavab alınmayıb və rəsmi Bakı məsələ ilə bağlı beynəlxalq hüquq mexanizmlərinə müraciət etməyi planlaşdırır.

Iyulun 2-də Baş Prokurorluğun İstintaq idarəsinin rəisi Nemət Əvəzov çərşənbə axşamı keçirilən mətbuat konfransında bildirib ki, Qaxaxıstanın Aktau şəhərində Azərbaycan Hava Yollarına (AZAL) məxsus təyyarənin qəzaya uğraması ilə bağlı aparılan ekspertiza nəticələrinin yaxın vaxtlarda açıqlanacağı gözlənilir.

2024-cü ilin noyabrında Azərbaycan Hava Yollarına (AZAL) məxsus “ATR-72” tipli təyyarə Qazaxıstanın Aktau şəhərində qəza enişi edib. Hadisə nəticəsində 38 nəfər ölüb, 29 nəfər sağ qalıb. 

Gülnar Nazimqızı