Bakının“20 Yanvar” metro stansiyasında qadın dünyaya uşaq gətirib

Bakının  “20 Yanvar” metro stansiyasında qadın dünyaya uşaq gətirib. Bu barədə hadisə yerində Anews müxbiri xəbər verir.

Məlumata görə, hadisə bu gün səhər saatlarında baş verib. Metro əməkdaşları və təcili tibbi yardım briqadası doğuş prosesinə yardım edib. Ana və körpənin vəziyyətinin stabil olduğu bildirilir.

Bakı Metropoliteni faktı anews.az-a təsdiq edib. 

TƏBİB isə sorğuya cavab olaraq bildirib ki, 36–37 həftəlik hamilə olan qadın metrostansiyada oğlan övladı dünyaya gətirib. Çağırılmış təcili tibbi yardım briqadası tərəfindən doğuş nəzarətə götürülüb və zəruri tibbi xidmətlər göstərilib. Körpənin çəkisi 2 200 qram olub.

Ana və körpə saat 08:06-da Respublika Klinik Xəstəxanasına hospitalizasiya olunub.

Gülnar Nazimqızı