Elektron satınalmalardan qənaət 39% artaraq 329,2 milyon manata çatıb

2025-ci ilin ilk yarısında Azərbaycanda elektron satınalmalar nəticəsində dövlət büdcəsinə 329,2 milyon manat qənaət edilib ki, bu da ötən ilin eyni dövrü ilə müqayisədə 38,6% artım deməkdir. Bu barədə Prezident yanında Antiinhisar və İstehlak Bazarına Nəzarət Dövlət Agentliyi məlumat yayıb.

Yanvar-iyunda həyata keçirilmiş elektron satınalmaların ümumi dəyəri 1 milyard 632,7 milyon manat təşkil edib ki, bu göstərici illik müqayisədə 12,2% çoxdur.

Agentlik bildirir ki, qənaət göstəriciləri dövlət vəsaitlərinin səmərəli istifadəsi, əlavə xərclərin azaldılması və maliyyə intizamının gücləndirilməsi hesabına əldə olunub.

Müsbət dinamika “E-tender.gov.az” portalının funksionallığının artırılması, prosedurların sadələşdirilməsi və təchizatçılar üçün daha əlverişli şərtlərin yaradılması ilə əlaqələndirilir.

Gülnar