Daha bir şikayətçi özünü yandıracaq - ŞOK

Bir müddət öncə əlaqədar təşkilatlara, eləcə də dövlət başçısına müraciət etdiyini, lakin probleminin həll olunmadığını deyən Şəki rayon sakini Rəhimə Novruzəliyeva yenidən mətbuat vasitəsilə ictimaiyyətə üz tutub və özünü yandıraraq intihar edəcəyini deyib.Bu günə qədər 4 dəfə prezident İlham Əliyevə müraciət etdiyini, lakin heç bir cavab ala bilmədiyini deyən Rəhimə xanım çarəni intihar etməkdə görür.Etatist.com-un məlumatına görə, 43 manat əlil pensiyası alan R.Novruzəliyeva, Əmək və Əhalinin Sosial Müdafiəsi Nazirliyinin 19 saylı Şəki Regional Sosial Müdafiə Mərkəzinin müdiri Məmməd Nəsibovun onun üçün ayrılmış sosial yardımı mənimsədiyini deyir.Dekabr ayının pensiyasını ala bilməyən Rəhimə Novruzəliyeva ilk fürsətdə Bakıya gəlib Əmək və Əhalinin Sosial Müdafiəsi Nazirliyinin qarşısında özünü yandıracağını dedi.Rəhimə xanım nazirliyə etdiyi bütün zənglərə, nazirliyin keçmiş əməkdaşı, nazir müavini İlqar Rəhimov tərəfindən cavab verildiyini və problemlərinin həll olunmadığını deyir.Xatırladaq ki, bir neçə gün öncə Qarabağ qazisi Zaur Həsənov Həmkarlar İttifaqı qarşısında özünü yandırmışdı. Bu əhali arasında kifayət qədər böyük rezonansa səbəb oldu. Vətəndaşların problemlərini həll etmək dövlət qurumlarının və məmurların borcudur.İnanırıq ki, bu problem də daha bir nəfər özünü yandırmamış həllini tapacaq.ANN.Az