Azərbaycanda qeyri-həyat sığortasından yığımlar 7 %, ödənişlər 6,1 % artıb

Azərbaycanda 2025-ci ilin yanvar-iyul aylarında qeyri-həyat sığortası üzrə 406,4 milyon manat sığorta haqqı toplanılıb ki, bu da ötən ilin eyni dövrü ilə müqayisədə 7 % artım deməkdir. Bu barədə Azərbaycan Mərkəzi Bankı məlumat yayıb.

Hesabat dövründə qeyri-həyat sığortası üzrə ödənişlər 6,1 % artaraq 153,3 milyon manata çatıb. Nəticədə bu kateqoriyada toplanmış hər 100 manat sığorta haqqının 37,7 manatı müştərilərə geri ödənilib. Bu göstərici ötən il 38 manat idi.

Ümumilikdə, ölkədə fəaliyyət göstərən 16 sığorta şirkəti 7 ay ərzində 937,7 milyon manat sığorta haqqı toplayıb (illik artım: 12,5 %), ödənişlərin ümumi məbləği isə 529,3 milyon manat olub (illik artım: 20,25 %). Sığorta bazarında toplanmış hər 100 manat sığorta haqqına görə orta ödəniş 56,45 manat təşkil edib. Ötən ilin müvafiq dövründə bu göstərici 52,8 manat idi.

Gülnar