Bakı metrosunda yeni ödəniş sisteminə keçid müzakirə olunur

“Bakı Metropoliteni” QSC aylıq və birsəfərlik gediş kartlarının tətbiqini nəzərdən keçirir. Bu barədə qurumun sədrinin müşaviri Emil Əhmədov jurnalistlərə açıqlamasında bildirib.

Onun sözlərinə görə, yeni tarif modelləri ilə bağlı müxtəlif alternativlər, o cümlədən sosial qruplar üçün güzəştlər və məsafədən asılı tarif sistemi müzakirə olunur.

“Bir çox ölkələrdə məsafəyə əsaslanan ödəniş sistemi tətbiq edilir. Azərbaycanda da bu modelin tətbiqi imkanları araşdırılır. Həssas təbəqələr üçün güzəştlər xüsusi yanaşma ilə nəzərdən keçirilir,” – deyə Əhmədov bildirib.

Metro rəsmisi vurğulayıb ki, tarif dəyişikliyi səlahiyyəti qurumun deyil, qərar olarsa, ictimaiyyətə əvvəlcədən açıqlanacaq.

Gülnar