Sentyabrda Xocavəndin kəndlərinə ilk köç baş tutacaq

Sentyabrda Xocavəndin bərpa olunan müvafiq kəndlərinə əhalinin köçürülməsi planlaşdırılır.Bunu anews.az-a açıqlamasında Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov bildirib.

"Hadrut və Tuğda müvafiq bərpa işləri icra olunur. İşlər əsasən yolların çəkilməsi, sosial infrastruktur obyektlərinin, inzibati binaların və yaşayış evlərinin tikilməsi, eləcə də bəzi evlərin təmiri və istifadəyə verilməsini əhatə edir",- Hüseynov deyib.

Xocavənd rayonunda isə evlərin təmiri başa çatdıqdan sonra əhalinin istifadəsinə verilməsi planlaşdırılır.

Hüseynov əlavə edib ki, sentyabrdan etibarən Xocavəndin müvafiq kəndlərinə ailələrin köçürülməsi nəzərdə tutulur.

Gülnar Nazimqızı