Pirəkəşkül və Ağdərədə yararsız döyüş sursatları məhv ediləcək

Azərbaycan Müdafiə Nazirliyi 1–5 sentyabr tarixlərində istismar müddəti başa çatmış və yararsız döyüş sursatlarının məhv ediləcəyini açıqlayıb.

Sursatların zərərsizləşdirilməsi Pirəkəşkül qəsəbəsi yaxınlığındakı poliqonda və Ağdərə ərazisindəki təlim mərkəzində, təhlükəsizlik qaydalarına uyğun şəkildə həyata keçiriləcək.

Nazirlik əhalini partlayış səsləri ilə bağlı təşvişə düşməməyə çağırıb və qeyd edib ki, bu proses planlı şəkildə və tam nəzarət altında aparılır.