12 illik təhsil qızların erkın ərə verilməsinin qarşısını ala bilər? - VİDEO

Yaxın gələcəkdə Azərbaycanda 12 illik təhsil sisteminə keçirilməsi gözlənilir. "Azərbaycan 2020 gələcəyə baxış" inkişaf konsepsiyasında 2020-ci ilə qədər 12 illik təhsil sisteminə keçilmək nəzərdə tutulub. 

Millət vəkili Musa Qasımlı 12 illik təhsil sisteminə keçməyin vacib olduğunu bildirdi. Amma bunun üçün əvvəlcə hazırlıq işləri görülməlidir. Məktəblərin maddi texniki təchizatı, dərsliklər hazırlanmalıdır. Daha sonra məktəblər üçün tədris proqramları hazırlanmalı və ən vacib məsələlərdən biri olan maliyyə məsələləri həll olunmalıdır.

Millət vəkili Musa Qasımlı hesab edir ki, bu yolla qızlar erkən ərə verilməsinin qarşısı alına b ilər: “Burada digər məsələlər də öz həllini tapa bilər. Belə ki, qızların uşaq yaşlarından erkən ərə verilməsinin qarşısı alına bilər”.

12 illik təhsil sisteminə keçirilmə ilə əlaqədar artıq bu sahədə işlərə başlanılıb.

ANN.Az