Deputat Bakı-Sumqayıt yolundakı sıxlıq və infrastruktur işlərindən narahatdır

Milli Məclisin deputatı Razi Nurullayev Bakı və ətraf yollarında nəqliyyat sıxlığının artdığını və infrastruktur işlərinin ləng aparıldığından narahatdır. Bu barədə deputat sosial şəbəkə hesabında paylaşım edib.

Nurullayev qeyd edib ki, Sumqayıt-Bakı yolunda ötən ilin payızında tıxaclar əsasən Xırdalan qəbiristanlığı yaxınlığında başlayırdısa, bu il sentyabrın əvvəlində sıxlıq artıq Mühəndislik Universiteti yaxınlığından müşahidə olunur.

Deputat həmçinin Binəqədi yolunda təxminən iki aydır davam edən kanalizasiya xətlərinin yenilənməsi ilə bağlı işlərin yekunlaşmadığını vurğulayıb. Onun sözlərinə görə, bu, şəhərə giriş-çıxışda ciddi çətinliklər yaradır.

Millət vəkili yol və nəqliyyat layihələrinin 24 saatlıq iş rejimi ilə həyata keçirilməsinin zəruri olduğunu qeyd edib və sentyabrın ortalarından etibarən vəziyyətin daha da ağırlaşa biləcəyi ilə bağlı xəbərdarlıq edib.

Gülnar