Azərbaycanda düyü ehtiyatları 2024-cü ildə 20% artaraq 93,5 min tona çatıb

 2024-cü ildə Azərbaycanda ümumi düyü ehtiyatları 93 541 ton təşkil edib. Bu, əvvəlki illə müqayisədə 15 623 ton və ya 20,1% artım deməkdir.

Dövlət Statistika Komitəsinin məlumatına görə, 2023-cü ildə ehtiyatlar 77 918 ton səviyyəsində olmuşdu.

Yerli istehsal 31,7% artıb

2024-cü ildə ölkədə 18 399 ton düyü istehsal olunub. İllik müqayisədə yerli istehsal 4 426 ton və ya 31,7% artıb. 2023-cü ildə istehsal 13 973 ton təşkil etmişdi.

Düyü idxalı da artıb

İlin əvvəlindən etibarən ölkəyə 64 306 ton düyü idxal edilib – bu, ötən illə müqayisədə 9 714 ton və ya 17,8% çoxdur. 2023-cü ildə idxal həcmi 54 592 ton olub.

Qalıq ehtiyatlar 15,9% yüksəlib

2024-cü ilin əvvəlinə düyü üzrə qalıq ehtiyatlar 10 836 ton təşkil edib ki, bu da 2023-cü ilin eyni dövrü ilə müqayisədə 1 483 ton və ya 15,9% artım deməkdir.

Gülnar