JOY TOUR-un təsisçisi dələduzluq işi üzrə həbs olunub

 Bakı məhkəməsi turizm şirkətləri JOY TOUR və JOY TRAVEL-in təsisçisi Rəşad İlyasovu dələduzluq və vəzifə səlahiyyətlərindən sui-istifadədə ittiham edərək həbs edib. Bu barədə Baş Prokurorluq məlumat yayıb.

Xətai rayon prokurorluğunun məlumatına görə, İlyasov vəzifə səlahiyyətlərindən istifadə edərək 20-dən çox müştərini aldadıb, onların turpaket və avia biletlərə ödədiyi pulları mənimsəyərək şəxsi ehtiyaclarına xərcləyib.

Onun barəsində Cinayət Məcəlləsinin 178.2.2 (təkrar dələduzluq), 178.2.4 (külli miqdarda ziyan vurmaqla dələduzluq) və 308.1 (vəzifə səlahiyyətlərindən sui-istifadə) maddələri ilə cinayət işi açılıb.

JOY TOUR və JOY TRAVEL-in maliyyə-təsərrüfat fəaliyyətinə vurulan ziyanın həcminin müəyyən edilməsi və digər məsul şəxslərin aşkarlanması üçün Auditorlar Palatası tərəfindən yoxlama aparılacaq.

N.Təbrizli