Milli Məclisdə məşğulluqla bağlı dinləmə keçiriləcək

Milli Məclisdə yaxın vaxtlarda əhalinin məşğulluğunun artırılması ilə bağlı dinləmələrin keçirilməsi planlaşdırılır. Bu barədə deputat Musa Quliyev bildirib.

Onun sözlərinə görə, payız sessiyasında dinləmələrlə yanaşı müvafiq qanun və proqram layihələrinin hazırlanması məsələsi də müzakirə oluna bilər.

“Əhalinin məşğulluğunun artırılması dövlətin sosial-iqtisadi siyasətinin əsas prioritetlərindəndir. Dinləmələr bu istiqamətdə yeni təkliflərin formalaşdırılmasına töhfə verə bilər”, – Quliyev qeyd edib.

Gülnar Nazimqızı